السلام عليكم مرحبا بكم في موقع وصفات الطبخ والحلويات ، اليوم جبت لكم وصفة حلوة راقية واقتصادية بمقادير بسيطة وخطوات سهلة . حلوة راقية واقتصادية تصلح في فطور الصباح او المساء وحتى في بعض أعياد الميلاد والاعراس لها مذاق جد رائع.

بالنسبة لطريقة تحضير الحلوى الراقية والاقتصادية  نحط في إناء 125 غرام مرغا طرية نزيد عليه كيسين فلون 100 غرام ونزيد عليهم زيت وحبة بيض وصفار البيض هنا نختار حبات بيض ذات حجم كبير من المستحسن.

نضرب المكونات جيدا بواسطة المضرب الكهربائي ولي  تستعمل فوي ولكن ضروري تضرب مليح  حتى تحس بالسكر لي في فلون ذاب معكم نتوقف هنا.

نزيد زوج مغارف كبار نشاء نزيد كاس فرينة وكيس خميرة كيميائية وزن 10 غرام و نزيد الكيس الثاني فرينة ونبدأ نضم في العجينة بواسطة الأصابع ونبقى نزيد في فرينة غير بشوي حتى نتحصل على عجينة طرية جدا في البداية راح تكون طرية لكن من بعد راح تتماسك مليح.

نحط العجينة التي تحصلت عليها بجهة، نجيب كيس بلاستيكي نحط العجينة ونبسط بواسطة اليد ونغلقها بواسطة الكيس ونجيب الحلال ونحلها بسمك 1 سم .

نجيب الطابع الصغير  الذي راح يقطع العجينة على 32 حبة، وبعدها نحطهم في سينية التي كنت وضعتها ورق الطهي. ونرشها بفرين وندخلهم للفرن لكنت شعلته مسبقا على درجة حرارة 160 درجة، نشعل من التحت غير نشوف الحواف بدأ نشعلهم من الفوق غير شوي و من بعد نطفي عليهم .

نعاود نولي للحلوة من بعد ما طابت وخليتها بردت كامل تحصلت بهذه العجينة على 32 حبة نحطه بجهة. ورحت ذوبت كمية من الشكو البيضاء على حمام مائي نحط حبات على ونحط لها كمية كبيرة من شكولا، بعد ما بردت شكولا جبت كيس حلواني درت فيه شكولا سوداء ونعمل خطوط للتزين وكريات ذهبية من فوق الحلوة للتزيين . بصحتكم و شهية طيبة.